Hallo, ek is Elsje.

Van kleins af was ek lief daarvoor om iets met my hande te skep. Of dit nou bak, ontwerp, maak of droom was, ek het altyd daarvan gehou om gewone dinge in iets besonders te verander. Soos baie vroue het ek deur die jare geleer dat jy nie altyd in almal se boksie hoef te pas nie. Soms is jy 'n bietjie wild, soms 'n bietjie hardkoppig, soms sag en soms sommer net 'n teef wanneer die situasie dit vra.

Uit daardie gedagte is Wildeteef gebore.

Wildeteef is meer as net 'n handelsmerk. Dit is vir vroue wat hulself nie verskoon vir wie hulle is nie. Vroue wat hard werk, hard lag, liefhet met hul hele hart en nie bang is om hul persoonlikheid te wys nie. Elke ontwerp word met liefde geskep om daardie unieke gees vas te vang wat ons as Suid-Afrikaanse vroue so besonders maak.

Ons glo dat wat jy dra iets van jou storie moet vertel. Daarom skep ons produkte wat nie net mooi lyk nie, maar ook glimlagte, gesprekke en soms selfs 'n paar opgetrekte wenkbroue veroorsaak.

Welkom by Wildeteef. Hier vier ons die vrou wat trots haarself is.